Ta situada na cercana población de Llorío, dempués de pasar La Pola Llaviana pola AS-17 en direición a Casu. Sita na curva la Mozquita, ye una zona llana a orielles del ríu Nalón y rodiada por un entornu d´altes montañes de caliza.
Ta situada na parroquia de Villoria. Dende La Pola Llaviana direición a Villoria pola AS-252 y nesti pueblu desviaremonos a la izquierda fasta llegar a la localidá de Fechaladrona. Dende esti pueblu falten unos 2 kilómetros pa llegar al llugar. Alcuéntrase a unos 800 metros d´altura rodiada pola so parte norte de montañes y con unes buenes vistes na so parte sur.
Situada nes afueres del pueblu´l Condao. Saliendo de La Pola Llaviana pola carretera AS-17 y a unos 5 kilómetros de distancia llegamos al Condao. Sitúase na curva´l Barrillón debaxo´l nuevu correor del Nalón, na vega Soto.
Pola AS-17 en direición a La Pola Llaviana en Barredos tomar la carretera AS-251. A 1,5 km. en San Pedro Tiraña tomar un desvíu a la drecha (L´Ordariegu) carretera LU-3 y a 2,5 km. desvianos a la izquierda. A 1 km. xusto antes de Gamonal, tomar a la drecha una pista que nos conduz fasta l´área.Área con viesca de castaños y ablanos con diferentes niveles de tarrén ente pequeños cuetos de caliza y ablanu que la faen mui afayadiza. Ofrez una interesante vista sobre los valles de Siero, Uviéu y del conceyu de Llaviana y Bimenes asina como una espectacular panorámica de Peñamayor durante la ascensión al área.