FRAI RAMÓN MARTÍNEZ VIXIL

(1840 - 1904)
De magar que nacera en Tiñana, Sieru, cuando entá yera nenu de rollu de seis meses taba yá en Llaviana, onde vivió de guah.e y de mocetu y u quedó la so familia, polo que nun se desapegó del conceyu al que tuvo siempre perxuniu. Féxose fraile dominicu nel conventu d´Ocaña, onde foi discípulu de frai Xosé María Morán; unviáu a Manila, estudió con frai Zeferino y en 1876 nomáronlu Procurador Xeneral de la Orde Dominicana nes Cortes de Madrí y de Roma. En 1884 algamó l´bispáu y resultó un obispu peractivu: puxó poles obres de la Basílica de Cuadonga y peracabóles, como les de la ilesia parroquial de La Pola y otres munches. Espublizó delles obres del so ministeriu y tuvo una engarradiella dialéutica con Leopoldo Alas Clarín per aciu del asoleyamientu de La Regenta.