Les foces del Raigusu (I)El ríu Raigusu tien la so cabecera nel riachuelu los Infiernos, recibe pola drecha les agues del riachuelu la Braña,
procedente de los Collaos, y pola izquierda del "regueru´l Tozu l´Osu", el ríu L´Acebalín (ríu Fornu y riachuelu Cuadrazu), el río´l
Gallu y el ríu los Tornos. En Mestres mezcla les sos agues col ríu Mosquil (Cañaines y Daón), formando el ríu Ribota. Tanto nel ríu principal
como nos sos afluentes alcuentranse varies foces. El nome de "Foces del Raigusu" suel aplicase de forma xenérica al conxuntu de foces
esistentes nesti incomparable paraxe de les inmediaciones de Mea.
En realidá sólo la Foz de Covellayo ta nel ríu Raigusu, el resto tan nos
sos afluentes y en el ríu Cañaínes: La Foz de L´Apretón, nel ríu Fornu, La Foz de Sogrande o Foz del Texíu (ente El Picu Corvellusu y El
Peñón del Texíu) y la Foz d´Entrepeñes (en les guíes, "riachuelu Foces del Mosquil"), nel ríu Cañaínes.
Ensin dubia la más espectacular ye la foz, de gran profundidá y angostura, qu´el ríu Cañaínes labró dende la so foz fasta la Requexá y el
Mosquil (nes proximidaes del pueblu la Fomermeya) la so cascada en forma de cola de caballu: El Pingón de la Requexá.
Una de les entraes más direutes ye´l pueblu de L´Acebal, llugar de la parroquia de Samartín de Llorio. Esti pueblu alcuentrase situáu
nuna suave ladera, na marxen drecha del ríu Raigusu o de Ribota; la so altitú ye de 400 m, y dista 5 km de Llaviana; l´accesu faese pola
carretera llocal LV-5, que sal de la AS-17 en Puente d´Arcu. Ye un pueblu tradicionalmente agrícola y ganaderu, como lo demuestren la
presencia de nueve horros de los que solo queden dos, un batán, citáu nel Catastru del Marqués de la Ensenada ("Uno Enttermino detaraña,
que travaja conelagua del arroto delRaigoso, ocho meses alaño. Espropío de Gutierre Fernández. Oyproduce ochenta reales cada año"),
consérvase tovía en buen estáu´l molín de Tiraña.
L´itinerariu escomienza por una pista que apaez tras traviesar el pueblu, (pista pa toa clase de vehículos), que nos conduz a pasar pol
puente Tiraña, (casería que ta situada, a 380 m de altitú, nuna zona llana de la mesma oriella del ríu Raigusu. La casa construyose encima
d´un molín maquileru con dos molares que tuvo funcionando fasta 1967; agues arriba queden restos del molín del Pelusa,
de veceros de L´Acebal,
Grandiella y La Pumará, tuvo habitada hasta los años 60. Nes sos proximidaes explotaronse mines de carbón de cementos Fradera: les mines de
Taraña y Riascusa).
Nesti llugar confluye cola senda de cortu recorríu, que vien de Ribota. Siguimos pola pista de cómodu caminar rodeada d´arboleda y
paralela al ríu Ribota con dirección al pueblu de la Fomermeya. Antes de llegar a esi llugar, Les Mestres, la pista bifurcase, la de la
izquierda conduznos al pueblu la Fomermeya dende onde se puen contemplar les foces del mesmu nome.
|