LLORÍO

Llorío tien una estensión de 27,37 km², atópase a 345 metros d´altitú y dista de La Pola Llaviana 6,3 km. Tien un censu de 783 habitantes repartíos nes poblaciones y caserios de L´Acebal, La Cabaña, Ciargüelo, La Fomermeya, Iguanzo, Llorío, La Llera, Muñera, Pando, Payandi, El Puente d´Arcu, Ribota, Soto, La Canterona, La Curuxera, L´Alto San Pedro, Barreo, La Barrosa, El Campu, El Campu l´Arquera, El Cañal, El Carbayal, La Covona, La Envesná, Fresneo, La Granxa, La Llana, El Pandanusu, El Pandu, La Pedreguera, Piñeres, El Quintanal, La Rasa, El Reburdiar, Samielles, Taraña y Les Xanes.

Alcuéntrase al lláu del Condao, nuna zona predominantemente llana de la parte baxa del valle conformáu pol riascu del mesmu nome, que desemboca nel Nalón pola izquierda, ente´l Picu La Peruyera y Los Picarazos. Soto ye conocíu como´l "pueblu los hórros". Llégase a él por una carretera llocal dende´l Condao pasando pola nueva rotonda, o dende la mesma rotonda si se vien dende La Pola Llaviana.