ENTRIALGO

La parroquia de Entrialgo tien una estensión de 6,87 km², alcuentrase a 310 m d´altitú y dista de La Pola Llaviana 2 Km. Tien una población de 254 habitantes repartíos ente les poblaciones y caseríos de Canzana, Entrialgo, El Meruxalín, La Peruyal, La Boza, Mardana, Los Cuarteles, La Casa ´l Regueru, La Chalana, La Curuxera, Les Llanes, La Segá y Tambarriegues.

"Era un grupo de cuarenta o cincuenta casas... por todas partes rodeado de espesa arboleda, en medio de la cual parece sepultado como un nido", asina describe´l so pueblu natal, güei bien distintu, D. Armando Palacio Valdés, cuya casa natal atópase nesta parroquia, trátase d´una Casa Palacio, que foi restaurada y destinada como Centru d´Interpretación Palacio Valdés, ye una casona rural del sieglu XVIII, de planta rectangular, con planta baxa y pisu con correor.

La Ilesia parroquial, dedicada a San Xuan Bautista, atópase nel Prau´l Cura, "en la falda de la colina y dista del pueblo dos tiros de piedra. Desde el campo que hay delante se domina bastante bien la calle de Laviana"; el so campanariu foi pa D. Armando Palacio Valdés "uno de los parajes más amenos fabricado por la mano del hombre".