El teatrín de papel de les mazcaraes de La Buelga

Lugar: cidan

Dirigido a: A partir de 5 años

Duración: 90 - 120 minutos

Inscripciones: Cidan

Dende la nueche los tiempos, al allegar l’iviernu, les distintes civilizaciones facíen ritos pa propiciar que volviere a brillar la lluz del Sol pa que siguiere’l ciclu natural. Munchos pueblos teníen el vezu d’usar mazcaritos, xeneralmente d’animales reales o fabulosos, que roblaben tratos colos dioses proteutores y refugaben les gafures que la escuridá pudiere trayer consigo.

N’Asturies, y notros ámbitos del Arcu Atlánticu, caltuviéronse los vezos en dellos sitios, anque se tresformaren los ritos al amestase a nueves formes de pensamientu. Nesti procesu históricu, algamáronse les actuales formes etnodramátiques: los sidros de Valdesoto coles sos comedies, el guirria de Ponga, los zamarrones de L.lena... Amás de les comparses de mazcaraos del Valledor, Rales, Uviéu, etc.

Esta actividá quier dar a conocer a los participantes les carauterístiques principales de bona parte d’estos personaxes protagonistes de les mazcares d’iviernu: la so indumentaria, el so calter y la forma que tienen d’interactuar.