Visor de contenido web Visor de contenido web

Día de les lletres

El día de les Lletres Asturianes (primer viernes de mayu) ye un día destináu al homenax a la llingua  y la lliteratura asturiana. Vien celebrándose dende l'añu 1980, va acompañáu d'un actu institucional y enmárcase na Selmana de les lletres Asturianes. Tolos años va empobinada a dalgún tema específicu. N'algunes ocasiones a autores;  Xosé Caveda y Nava, Xosefa Xovellanos, María Xosefa Canellada, Andrés Solar, Mánfer de la Llera, Nené Losada...ya otres vegaes más xeneral; a la poesía, al teatru, a la lliteratura escolar, al cómic en llingua asturiana y nesta cabera edición a la lliteratura infantil y xuvenil.

L'añu pasau lleváronse a cabu iniciatives como la esposición de llibros n'asturiano na biblioteca y la ufierta de visites guiaes al Centru d'interpretación Armando Palacio Valdés n'asturianu.

Esti añu dende la Oficina de Normalizacion ta trabayándose nun proyeutu colos colexos del conceyu pa recoyer dalgunos poemes o frases feches y espublizalo dempués na cai. Esti proyeutu tien como oxetivu principal averar la lliteratura a la mocedá ya espublizalo dempués pa da-y visibilidá.

Tamién s'ufiertaron visites guiaes n'asturianu gratuites al C.I. Armando Palacio Valdés y ellaborose un cartelu n'asturianu cola temática d'Instagram  nel que los visitantes al CI Palacio Valdés puen facer semeyes.